Porsche Tennis Grand Prix. Свёнтек Эмма Радукануни қийинчилик билан енгди

Сайёрамизнинг биринчи рақамли теннис маликаси Ига Свёнтек мусобақанинг 1/2 финалчисига айланди. Польшалик теннисчи 1/4 финалда WTA рейтингида 303-поғонани эгаллаб турган британиялик Эмма Радукануни қийинчилик билан мағлубиятга учратди - 7/6(2), 6/3.

Теннисчиларнинг ўзаро учрашувларидаги ҳисоб янада йириклашди - 4:0. Икки соату 3 дақиқа давом этган баҳсда иккала теннисчи ҳам 1 тадан эйс зарбасини амалга оширишди. Қўшхатолар Эммада кўпроқ бўлди - 2 га 1. Свёнтек 3, Радукану 1 та брейкдан фойдаланди. Энди амалдаги чемпион 1/2 финалда қозоғистонлик Елена Рибакинага қарши кортга чиқади.