Porsche Tennis Grand Prix турнирида кутилмаган якун

Porsche Tennis Grand Prix турнирининг ҳал қилувчи финал учрашувида дунёнинг биринчи ракеткаси беларуслик Арина Соболенко WTA рейтингида 24-поғонада борган латвиялик Елена Остапенкога имкониятни бой бериб қўйди - 4/6, 1/6. Остапенко ортиқча қийинчиликсиз номдор рақибасини мағлубиятга учратди.  

Елена теннисчиларнинг ўзаро учрашувларида илк бор Соболенкодан устун келди - 1:3. Саксон олти дақиқа давом этган баҳсда Соболенко 6, Остапенко 4 та эйс зарбасини амалга оширган. Иккала теннис маликаси ҳам 4 тадан қўшхатога йўл қўйди. Брейклар бўйича устунлик уч баробар ғолиба томонида бўлди - 6 га 2. 

Елена Остапенко мавсумдаги биринчи, фаолиятидаги тўққизинчи WTA совринини қўлга киритди. Латвиялик теннисчи Штутгартдаги бир ҳафталик меҳнатидан 500 рейтинг очкоси, 142,610 евро мукофот пули ҳамда сўнгги русумдаги Porsche автомобилига эга чиқди. Соболенко эса 325 очко ва 87,825 еврога эга бўлди.