Португалия бош мураббийи: "Қуръадан мамнунмиз!"

"Энди қуръа натижаларига кўра тайёргарликни бошлашимиз мумкин. Биз ўз гуруҳимиздан мамнунмиз, чунки қуръа бизга биринчи ўйинни 17 июнда ўтказиш имконини берди. Бу эса тайёргарлигимизга аниқ йўналиш беради. 

Дастлаб плей-офф босқичидан ўтган жамоага қарши ўйнаймиз. Ҳозирча рақибимиз қайси мамлакат терма жамоаси бўлишини билмаймиз. Қолган икки рақиб - Колумбия ва Ўзбекистонга нисбатан ҳурматимиз юқори. Улар жаҳон чемпионатига пухта тайёргарлик кўрган ва жиддий рақобатчи жамоалардир", деди 52 ёшли мутахассис.

Эслатиб ўтамиз, Португалия "К" гуруҳида Колумбия, Ўзбекистон ва плей-офф ғолиби билан куч синашади.