Португалия Гран-присини кучли учликда якунладик + Жадвал

Уч кун давомида сайёрамизнинг 5 қитъаси 81 давлатидан жами 544 (317 эркак, 227 аёл) нафар дзюдочи 14 та вазн тоифасида медаллар ҳамда Париж-2024 Олимпиадаси йўлидаги қимматли рейтинг очколари учун баҳс олиб борди. Улар орасида Ўзбекистон терма жамоаси аъзолари ҳам муваффақиятли иштирок этишди. 

Ҳамюртларимиздан Муҳриддин Тиловов (-66 кг) ва Обидхон Номонов (-73 кг) ўз вазн тоифаларида Португалия Гран-приси олтин медали ҳамда 700 рейтинг очкосини қўлга киритишди. Бу эса якунда Ўзбекистон терма жамоасига 81 давлат орасида кучли учликдан жой олиш имконини берди. 

Жанубий Корея 4 та олтин, 1 та кумуш, 1 та бронза медали билан умумжамоа ҳисобида биринчи ўринни эгаллади. Мезбонлар 2 та олтин, 1 та кумуш медаль билан иккинчи ўринни банд этишди. Қозоғистон ва Япония терма жамоалари кучли бешликка якун ясаб беришди.