Пойтахт вилояти дзюдочилари Ўзбекистон чемпионатида умумжамоа ҳисобида биринчи бўлишди

Буни якуний натижалар ҳам исботлайди. Ўн тўрт ҳудудий терма жамаолардан ўн учтаси камида битта бронза медалини қўлга киритди. Бу умумий иштирокчилар кўрсаткичида 93 фоизни ташкил этди. Барча ўн тўрт жамоанинг кучли бешликдан жой олиши бўйича юз фоизлик натида қайд этилди. 

Катталар ўртасидаги бўлажак Ўзбекистон чемпионати мезбонлари ҳисобланган Жиззах вилояти дзюдочилари 2 та олтин, 2 та кумуш, 2 та бронза медалини қўлга киритишди. Бу жуда ҳам яхши натижа. 

Уч кунлик беллашувлар якунига кўра умумжамоа ҳисобида Тошкен вилояти терма жамоаси 4 та олтин, 1 та кумуш, 2 та бронза медали билан биринчи ўринни эгаллади. Хоразм вилояти 3 та олтин, 7 та кумуш, 7 та бронза медали билан иккинчи ўринни банд этди. Хоразмлик дзюдочилар мусобақада энг кўп медаль қўлга киритишди - 17 та! 

Кучли учликка Бухоро вилояти жамоаси 3 та олтин, 6 та бронза медали билан якун ясаб берди. Тошкент шаҳри, Самарқанд, Жиззах ва мезбон Фарғона вилояти терма жамоалари сафида икки нафардан Ўзбекистон чемпиони бўлди. Сурхондарё ва Наманган жамоалари таркибида бир нафардан чемпион бор.