Пойтахтимиз Ҳарбийлар ўртасидаги жаҳон чемпионатига мезбонлик қилади

Жумладан, ташкилот томонидан шу кунгача дзюдо бўйича 41 та жаҳон чемпионати ташкил этилганди. 2021 йил Франция, ўтган йили Доминикан Республикаси дунё биринчилигига мезбонлик қилган бўлса, бу йилги жаҳон чемпионати Тошкентда ўтказилади. 14-20 октябрь кунлари пойтахтимиздаги "Юнусобод" спорт мажмуасида сайёрамизнинг 5 қитъасидан келадиган ҳарбий дзюдочилар жам бўлади.  

Маълумот учун, ўтган йили 24 июль - 1 август кунлари оралиғида Доминикан Республикасининг Санто Доминго шаҳрида ўтган жаҳон чемпионатида Ўзбекистон терма жамоаси 2 та олтин ва 2 та кумуш медаль билан кучли тўртликдан жой олганди. Дзюдочиларимиздан Мусо Собиров (-81 кг) ва Муҳаммадкарим Ҳуррамов (+100 кг) чемпионлик шоҳсупасига кўтарилишганди.