Пойтахтимиз икки йирик мусобақага жиддий ҳозирлик кўрмоқда

Улар велоспортнинг шоссе йўналиши бўйича Осиё чемпионати ва бадиий гимнастика бўйича Жаҳон кубоги босқичи. Эртага бадиий гимнастика беллашувларига старт берилади. Велошоссе бўйича баҳслар эса 23 апрелда бошланади. Иккала турнирда ҳам 20 дан ортиқ мамлакат спортчилари иштирок этади. 

Миллий олимпия қўмитаси вакиллари ҳар икки мусобақага олиб борилаётган тайёгарликлар юзасидан федерация базасига ташриф буюриб, жараён билан яқиндан танишди.

Бадиий гимнастика бўйича Жаҳон кубоги босқичи Токио Олимпиадасига лицензион очколар тақдим этади. Велошоссе доирасидаги Women Elite ва Men Elite йўналишларида ғалаба қозонганлар Токио Олимпиадасига тўғридан-тўғри йўлланма қўлга киритишади. Шу боис ҳам унда қитъамизнинг барча энг кучли велоспортчилари иштирок этишади.