01 июн 11:56
Янгиликлар

Бошқалар

Пойтахтимиз илк бор қўл жанги бўйича Жаҳон чемпионатига мезбонлик қилади

Юртимиз нуфузли мусобақалар - жаҳон ва Осиё чемпионатлари, халқаро мусобақалар, Форум ва тадбирларга мезбонлик қилиши анъанага айланган.

Жумладан, 4-8 июнь кунлари Тошкент шаҳрида ана шундай нуфузли мусобақалардан бири - қўл жанги бўйича катталар ўртасидаги Жаҳон чемпионати бўлиб ўтади. Унда қатнашиш истагини билдирган давлатлар сони 50 тадан зиёдни ташкил этмоқда.

Айни пайтда "Юнусобод" спорт мажмуасида ўтказиладиган мусобақага сўнгги тайёргарлик ишлари олиб борилмоқда. Қўл жанги усталаримиз тайёргарликнинг сўнгги босқичини якунлашяпти. Терма жамоамиз доимий равишда жаҳоннинг кучли учта давлатидан бири бўлиб келган ва умид қиламизки, юртимиз мезбонлигида ўтадиган жаҳон чемпионатида биринчи бўламиз.