Пойтахтимизда "Бутунжаҳон таэквондо куни"га бағишланган спорт фестивали ўтказилди

Унда МОҚ раиси ўринбосари, Ўзбекистон таэквондо WT ассоциацияси раиси Шерзод Ташматов, спортимиз раҳбарияти вакиллари, таэквондо WТ бўйича миллий терма жамоа аъзолари ва мураббийлар, шунингдек, ёш спортчилар иштирок этишди.

Тадбир давомида мажмуа учун махсус ишлаб чиқилган, таэквондога ихтисослашган онлайн дастур намойиш этилди. "Tashkent City Малл" мажмуасига ташриф буюрганлар ушбу дастурдан фойдаланиш баробарида спортимиз бўйича барча маълумотлар, жумладан, ўзи истаган ҳудуддаги таеквондо клублари ҳақида маълумот олишлари имкони яратилган.

Бундан ташқари, фестивал доирасида қизиқарли викторина ҳам ташкиллаштирилди. Унда таниқли спортчилар ўзлари тузган саволларни йўллашди, тўғри жавоб топганларга эса ассоциациямизнинг эсдалик совғалари топширилди.