14 фев 17:29
Янгиликлар
Ўқ отиш
Пойтахтимизда ўқ отиш бўйича Халқаро ҳакамлик курслари бўлиб ўтмоқда
Тошкент шаҳрида ўқ отиш спорти бўйича Халқаро ҳакамлик курслари бошланди.
Курслар Халқаро ўқ отиш спорти федерацияси (ISSF) дастурига биноан, Ўзбекистон Миллий олимпия қўмитаси ва Ўзбекистон ўқ отиш спорти федерацияси ҳамкорлигида пойтахтимиздаги "Ватанпарвар" ташкилоти базасида ўтказилмоқда. Унда Ўзбекистон, Қозоғистон ва Қирғизистондан ташриф буюрган ҳакамлар иштирок этишмоқда.
Курслар ISSF катта эксперти, россиялик ҳакам Анатолий Актов томонидан рус тилида олиб борилмоқда. Умумий ҳисобда дарсларда 30 нафар мутахассис қатнашмоқда. ISSFнинг халқаро ҳакамлик курслари қоидаларига кўра, иштирокчиларга Халқаро тоифадаги ҳакам лицензияси берилади.
Курслар 17 февралга қадар давом этади.
Ҳавола :
Манба : olympic.uz
Фикрлар