Пойтахтлик пара атлетлар Ўзбекистон кубогида тенгсиз бўлди

Унда мамлакатимизнинг турли ҳудудидан келган 500 нафарга яқин пара атлет рақобатлашди. Мусобақанинг якуний натижаларига кўра, умумжамоа ҳисобида Тошкент шаҳри жамоаси 20 та олтин, 15 та кумуш ва 14 та бронза жами 49 та медаль жамғариб, биринчи ўринни эгаллаган ҳолда мамлакат кубогига сазовор бўлди. 

Шунингдек, Фарғона вилояти жамоаси 20 олтин, 15 кумуш ҳамда 9 бронза медаль билан иккинчи ўринга жойлашди. 13 та олтин, 7 тадан кумуш ва бронза медалга эга чиққан Бухоро вилояти жамоаси кучли учликни якунлади. 

Маълумот учун, мамлакат кубоги якунида ғолиб ва совриндорлар ташкилотчилар томонидан муносиб тақдирланди. Совринли ўринларни эгаллаган пара атлетлар ўз ёш тоифасида терма жамоа сафига қўшиб олинади ва нуфузли мусобақаларга тайёргарлик кўради.