Prague Masters. Муросасиз тур. Абдусатторов амалдаги жаҳон чемпиони Гукешни таслим этди

Мазкур шахмат фестивали тоифасига қараб учта гуруҳда ташкил этилмоқда. Кучлилар жам бўлган "Masters" гуруҳида ўзбекистонлик гроссмейстерлар — Нодирбек Абдусатторов ва Нодирбек Якуббоев ҳам бош соврин йўлида одимламоқда.

Кеча ўтказилган бешинчи турда гроссмейстерларимиз битта ғалаба ва мағлубият қайд этишди. Абдусатторов оқ доналарда ҳиндистонлик жаҳон чемпиони Гукеш Доммараджуни яна бир бор мағлуб этишни уддалади. Нодирбек Якуббоев эса аксинча, қора доналарда чехиялик Давид Наварага ютқазиб қўйди.

Бу турда нидерландиялик Йорден ван Форест америкалик Ҳанс Мок Ниеманндан устун келиб, очколарини тўрттага етказиб олган ҳолда пешқадамликни давом эттирмоқда. Нодирбек Абдусатторов 3,5 очко билан қўшимча кўрсаткичларга кўра иккинчи ўринни эгаллаб турибди. Чехиялик Давид Навара ҳисобида ҳам 3,5 очко бор. Якуббоев 2 очко билан еттинчи поғонага тушиб кетди.

Prague Masters 6-турида ҳиндистонлик Аравиндҳ Читамбарам испаниялик Дэвид Антонга, германиялик Винсент Кеймер эронлик Парҳам Мақсудлуга ютқазиб қўйди. Бу турда биронта ҳам дуранг қайд этилмади.