President's Cup. Ҳумоюн Султонов 1/2 финалда

Мукофот жамғармаси 40 минг АҚШ долларини ташкил этувчи мусобақада иккинчи ракеткамиз Ҳумоюн Султонов ҳам муваффақиятли одимлаяпти. Дунёнинг 550-ракеткаси бўлиб турган Султонов иккинчи даврада турнирнинг тўртинчи ракеткаси, қозоғистонлик Дмитрий Попкони мусобақадан чиқариб юборганди. 

Ҳамюртимиз бироз аввал якунига етган 1/4 финал учрашувида россиялик Евгений Филипповни уч сет натижасига кўра мағлубиятга учратди. Биринчи сетни бой берган Султонов якунда ўз иродасини намойиш эта олди - 5/7, 6/4, 6/4. 

Таққослаш учун, Филиппов ATP рейтингида 649-поғонадан жой олган. Уч дақиқаси кам уч соат давом этган баҳсда иккала теннисчи ҳам иккитадан эйс зарбасини амалга оширган. Қўшхатолар Ҳумоюнда 5, Евгенийда 6 тани ташкил этди.