President's Cup. Ҳумоюн Султонов ғалаба билан бошлади

Мукофот жамғармаси 40 минг АҚШ долларини ташкил этувчи мусобақанинг саралаш баҳсларида уч нафар теннисчимиз Денис Истомин, Санжар Файзиев ва Мустафо Дўстов илк даврадаёқ мағлубиятга учраган эди. 

Қувонарлиси, иккинчи ракеткамиз Ҳумоюн Султонов асосий тўр баҳсларидаги иштирокини ғалаба билан бошлаб олди. Дунёнинг 548-ракеткаси бўлиб турган Султонов рейтингнинг 668-поғонасидан жой олган япониялик Шуичи Секигучини 7/6(5), 6/4 ҳисобида мағлубиятга учратди. 

Ҳар иккала теннисчи ҳам 5 тадан эйс зарбасини амалга оширган. Қўшхатолар Кунчиқар юрт теннисчисида кўпроқ бўлди - 3 га 1. Бу теннисчиларнинг ўзаро ўтказган илк учрашуви эди. Хумоюнинг иккинчи даврадаги рақиби кейинроқ маълум бўлади.