"Президент совғаси" - "Матиз" ва "Дамас" учун кураш ҳамда кўпкари мусобақаси ўтказилди

Жумладан, куни кеча Бухоро вилоятининг Когон туманида Қишлоқ хўжалиги ходимлари куни ва Ҳосил байрами муносабати билан кураш ва кўпкари мусобақалари ўтказилди. Шунингдек, катта байрам тадбири ва оммавий сайллар бўлиб ўтди.

Кураш мусобақасида Республикамизнинг деярли барча вилоятларидан 1000 нафарга яқин катта, кичик полвонлар ғолиблик учун гиламга чиқишди. Мазкур мусобақада 1-ўрин жондорлик полвон Эркин Дониёровга насиб этди ва Бухоро вилояти ҳокими томонидан бош соврин “Спарк” автомашинаси ҳамда 1 та от ва 1 та туя билан тақдирланди.

2-ўринни эгаллаган жондорлик Нурбек Тўраев 1 та туя ва 3-ўринни эгаллаган хоразмлик полвонга 1 та от совға қилинди. Совғаларни шахсан вилоят раҳбари ва шу билан бирга вилоят кураш федерацияси раиси Ўктам Барноев ҳамда Ўзбекистон миллий кураш федерацияси раиси ўринбосари Комил Юсупов топширди.

Ундан ташқари ўз вазнларида ғолиб бўлган қолган полвонларимиз ҳам қимматбаҳо совғалар ва 30 дона қўчқорлар билан тақдирланишди.

Шунингдек, байрам тадбирида кўпкари мусобақаси ҳам бўлиб ўтди. Унда биринчи ўринни қўлга киритган чавандозга ҳам “Спарк” автомашинаси совға қилинди.