20 апр 14:01
Янгиликлар

Бокс/ММА

Проф боксчимиз Москвадаги турнирнинг асосий жангида ғалаба қозонди

Москва шаҳрида Shamo Boxing Promotions ва Ratel Pro Fight промоутерлик компаниялари ҳамкорлигида катта проф бокс оқшоми ташкил этилди.

Биз учун аҳамиятлиси, турнир доирасида ўзбекистонлик боксчилар ҳам рингга кўтарилишди. Кечанинг асосий жангида ўрта вазн тоифасида келажаги порлоқ сифатида эътироф этилаётган чарм қўлқоп устамиз Азизбек Тожиев (8-2-0) африкалик Мардош Кувеса Катембо (17-9-1)га қарши рингга чиқиб, ҳакамларнинг якдил қарори билан ишончли ғалабага эришди.

Шунингдек, турнирнинг асосий кардида енгил вазн тоифасида WIBA чемпионлик унвони соҳибаси Наталья Шадрина ҳамюртимиз Дилфуза Бековани 8 раунд тўлиқ давом этган жангда ҳакамлар қарорига кўра мағлуб этди.

Ярим енгил вазн тоифасида Россия чемпионлигига собиқ даъвогар Айшат Басиров эса учинчи раундда яна бир ўзбекистонлик боксчи Шаҳбозбек Толибжонов устидан техник нокаут билан ғалаба қозонди.