23 сен 13:19
Янгиликлар

Бокс/ММА

Профессионал бокс кечасига тайёргарлик кўздан кечирилди

Хабарингиз бор, эртага, 24 сентябрь куни Навоий вилоятининг Қизилтепа туманида жойлашган Тўдакўл кўли соҳилида профессионал бокс кечаси бўлиб ўтади.

Ўзбекистон профессионал бокс федерацияси, Навоий вилояти ҳамда Қизилтепа тумани ҳокимлиги ҳамкорлигида "Вилоят ҳокими соврини учун" ташкил этилаётган профессионал бокс оқшомидан 8 та жуфтлик жанглари ўрин олган.

Шу муносабат билан Қизилтепа тумани ҳокими Улуғбек Файзиев бир гуруҳ мутасаддилар ҳамроҳлигида ушбу кечага тайёргарликни кўздан кечириш мақсадида "Меридиан" дам олиш масканида бўлди. Ҳоким бокс кечасини юқори савияда ўтказиш бўйича ҳар бир масъулга топшириқ берди.