10 янв 10:53
Янгиликлар

Дзюдо

Прокурор кубоги мусобақасида Тошкент жамоаси ғолиб!

Пойтахтимизнинг Яккасарой тумани Қушбеги мавзесида жойлашган иккинчи Болалар-ўсмирлар спорт мактабида дзюдо бўйича мусобақа ўтказилди.

Унда пойтахтлик дзюдочилардан ташқари Тошкент ва Самарқанд вилоятидан келган жами олтита жамоа иштирок этди. Яккасарой тумани прокурори кубоги учун ўтказилган мусобақа якунида Тошкент шаҳри жамоаси биринчи ўринни эгаллади.

Кучли учликдан пойтахт вилояти ҳамда Тошкент олий спорт маҳорати мактаби жамоалари жой олишди. Мусобақа якунида ғолиб ва совриндорларга ташкилотчилар томонидан кубок, диплом ҳамда эсдалик совғалари топширилди.