Промоутер: "Уайт гонарар масаласида бироз иштаҳасини тийса, Тайсон учун кейинги рақиб бўлиши мумкин"

Оғир вазнда WBC чемпиони Тайсон Фьюрининг промоутери Фрэнк Уоррен агар Диллиан Уайт Тайсон Фьюри билан жанг қилишни истаса, молиявий тарафдан бироз камроқ пул сўраши лозим.

"Ҳозир Тайсон Фьюри хўжайин ролида. У чемпион ва бу ерга келиш учун жуда кўп тер тўккан. WBC'дагилар эса арбитраж судининг қарорини кутишини ва агарда суд Диллиан Уайтни мажбурий даъвогар деб эълон қилса, бу қарорга амал қилишларини маълум қилишди. 

Улар шуни ҳам қайд этишдики, Уайтнинг гонарари унинг охирги жангидагидан келиб чиққан ҳолда 80/20 ёки 85/15 бўлиши керак. Шундай экан, агар Уайт гонарар масаласида бироз иштаҳасини тийса, шунда у Тайсон учун кейинги рақиб бўлиши мумкин", - деди Фрэнк Уоррен.