"Пропаганда"нинг янги йўли(ми?)". IBA ёшлар ўртасидаги ЖЧда саккизталикка кирганлар учун 500 000 доллар мукофот пули борлигини эълон қилди

Ташкилот матбуот хизматининг хабар беришича, мусобақанинг мукофот жамғармаси 500 000 АҚШ долларини ташкил қилади.

Чорак финалга йўл олган барча боксчилар 1000, бронза медаль соҳиблари 2000, кумуш медаль эгалари 4000, жаҳон чемпионлари эса 8000 доллардан мукофот олади.

Маълумот учун, ёшлар ўртасидаги жаҳон чемпионати эркаклар ва аёллар ўртасида жами 25 та вазн тоифаси бўйича ўтказилмоқда.