Прохазка Анкалаевга: "Ягона фирибгар – бу сен. Сени чемпион сифатида ҳурмат қилишмайди"

Аввалроқ Анкалаев Прохазкани ёлғончи деб атаганди. 

"Магомеднинг мен ҳақимда айтган гапи ёқмади. Мен ҳаммага дўстона муносабатда бўламан, лекин Анкалаев бундан мустасно. У мен ҳақимда жуда кўп гапиради. Нима учун бундай қилаётганини тушунмайман.

Магомедга шундай дейишим мумкин:  у хоҳлаганини гапираверсин. Лекин аслида, фирибгар – айнан унинг ўзи. Мен уни UFC Performance Institute'да учратганимда, у ерда жуда хушмуомала ва мулойим эди.

Ҳозир Анкалаев суперюлдуз бўлиб олди ва трэшток қиляпти. У Алекс Перейрани мағлуб этди, аммо Перейра ўз фаолиятидаги энг ёмон жангини ўтказди. Магомед бу ердаги – ягона фирибгар. Ва у чемпион бўлсада, уни ҳеч ким ҳурмат қилмайди", – деди Прохазка.