30 июн 10:38
Янгиликлар

Футбол

ПСЖ Курзава билан шартномани 2024 йилгача узайтирди

ПСЖ расмий сайти жамоа ҳимоячиси Лейвин Курзава билан шартнома узайтирилганлигини маълум қилди.

27 ёшли футболчиннг Париж клуби билан янги шартномаси 2024 йилга қадар амалда бўлади.

Коронавирус пандемияси туфайли муддатидан илгари ниҳоясига етган Франция чемпионати жорий мавсумида Курзава жамоаси сафида 14 та учрашувда майдонга тушиб, 1 та гол урди ва 1 та голли узатмани амалга оширди.

Эслатиб ўтамиз, 2019/2020 йилги мавсум якунига кўра, ПСЖ Франция чемпиони дея эълон қилинди. Ҳимоячи 2015 йилдан буён парижликлар сафида тўп тепиб келмоқда. У ўшанда 20 миллион евро эвазига “Монако”дан ПСЖга кўчиб ўтганди.

Илгарироқ футболчининг хизматларига “Барселона”, “Ливерпуль”, “Ювентус” ва бошқа бир қатор клублар қизиқаётганлиги ҳақида хабарлар тарқатилганди.