29 ноя 17:38
Янгиликлар
Футбол
ПСЖ Винисиусга йилига 14,5 млн фунтлик маош таклиф қилади. Унга Мбаппенинг ўринбосари сифатида қарашмоқда
ПСЖ ўз таркибига "Реал" ҳужумчиси Винисиус Жуниорни қўшиб олмоқчи.
Париж клуби 20 ёшли бразилиялик футболчига йилига 14,5 млн фунт (ҳафтасига 275 минг фунт) таклиф қилишга тайёр. ПСЖ Винисиусга "Реал"га кетиши мумкин бўлган Мбаппега ўринбосар сифатида қарамоқда.
Мадрид клуби ўз навбатида шартномаси 2024 йилнинг ёзига қадар мўлжалланган Винисиусни сақлаб қолишга уринади. "Қаймоқранглилар" янги шартномага кўра, унинг маошини йилига 2,8 млндан 6,7 млн фунтга қадар кўтаришади. Шунингдек шартномада форварднинг натижалари борасида бонуслар ҳам бўлади.
Винисиуснинг хизматларига шунингдек "Манчестер Юнайтед" қизиқиш билдирмоқда.
Ҳужумчи жорий мавсум "Реал" таркибида барча мусобақаларда 19та ўйинда майдонга тушиб, 11та гол ва 7та ассист қайд этди.
Ҳавола :
Манба : championat.asia
Фикрлар