ПСВ ўнинчи бор Нидерландия кубогини қўлга киритди

Рогер Шмидт шогирдлари ярим ҳимоячилар Эрик Гутьеррес ва Коди Гакпонинг голлари эвазига финалда "Аякс"ни 2:1 ҳисобида мағлуб этишди. Амстердамликлар сафида ярим ҳимоячи Райан Гравенберх гол урди.

Эйндховен клуби 2012 йилдан бери Нидерландия кубогини қўлга кирита олмаётганди ҳамда 2013 йилдан бери финалга чиқа олмаганди.

"Аякс" ушбу турнирдаги ғалабалар сони бўйича (20 та) ғалаба билан пешқадамлик қилмоқда. Иккинчи ўринда "Фейеноорд" (13), ПСВ (10) эса учинчи ўринда бормоқда.

ПСВ – Аякс 2:1 (0:1, 2:0)

Голлар: 0:1 – 23 Гравенберх, 1:1 – 48 Гутьеррес, 2:1 – 50 Гакпо.

ПСВ – Мвого, Рамальо, Тезе, Макс, Гетце, Гутьеррес, Сангаре, Верман (Брума, 69), Мауро Жуниор, Захави (Вертессен, 81; ван Гинкел, 90), Гакпо (Доан, 69).

Аякс – Стекеленбург, Мазрауи (Аллер, 72), Мартинес, Тимбер, Блинд, Классен (Кудус, 86), Альварес (Схюрс, 72), Гравенберх, Тадич, Бергейс (Ихаттарен, 86), Бробби.

Огоҳлантиришлар: Мартинес (18), Макс (63), Гравенберх (81), Тезе (88), Гетце (90).