Пул ўлсин-а! 58 ёшли Холифилд рингга қайтмоқда + ФОТО

Унинг қайтиши 2021 йилнинг март ойига мўлжалланмоқда. Жуда катта эҳтимол билан у британиялик Глен Маккрорига қарши жанг ўтказади. Холифилд ва Маккрори телефон мулоқотида жанг юзасидан ўзаро келишиб ҳам олишди.

"Мен Холифилд билан телефонда гаплашдим. У мен билан жанг қилишга розилик берди. Эвандер 30 йил мендан қочиб юрди. Ниҳоят, ўзида жасорат топа олганидан хурсандман. Ўйлашимча, бизнинг жангимиз апрель ойида бўлиб ўтади. Мен қўлқопсиз жанглар промоушени - Bare Knuckle Boxing вакиллари Жо Браун ва Жим Фриманлар билан гаплашдим, улар апрель ойида O2 аренада бизнинг жангимизни ташкил қилишмоқчи. 

Маълумот учун, Эвандер Холифилд сўнгги бор 2011 йилда рингга кўтарилган эди. Аввалроқ, Майк Тайсон - Эвандер Холифилд жанги ҳақида гап борганди. Агар бу режа амалга ошса, мухлислар трилогия гувоҳига айланишади. Бундан аввалги ҳар иккала жангда Эвандер ғалаба қозонганди.