Пётр Ян бугун жароҳати билан жанг қилган экан

Россиялик аралаш яккакураш устаси кетма-кет мағлубиятлардан кейин хитойлик Сонг Ядонгга қарши октагонга чиқиб, рақибини очколар ҳисобига кўра мағлубиятга учратди. Ушбу жангда Ян жароҳат билан чиққани маълум бўлди.

"Бугун 15 дақиқа тўлиқ бир оёғимда жанг ўтказдим. Сўнгги бир ой давомида умуман спарринг жанглар ўтказмадим. Ҳатто курашмадим ҳам. Шундай бўлса-да, жангни бекор қилмадим ва бугун ғалаба қозонишни уддаладим", — деди Ян жангдан кейинги матбуот анжуманида.

Пётр Ян бундан аввалги ғалабасини 2021 йилнинг октябрь ойида ўтказилган UFC 267 турнирида қўлга киритган эди. Ўшанда у беш раунд тўлиқ давом этган жангда америкалик Кори Сэндхагенни очколар ҳисобига кўра мағлубиятга учратганди. Ўшандан кейин эса кетма-кет жангларда Алжамейн Стерлинг, Шон О’Мэлли ва Мераб Двалишвилига ютқазиб қўйганди.