16 мар 07:43
Янгиликлар

Бокс/ММА

Пётр Ян UFC билан янги шартнома имзолашдан бош тортди

Россиялик таниқли UFC жангчиси Пётр Ян ташкилот томонидан тақдим этилган янги шартномага имзо чекмади.

Промоушен Янга 6 та жанг учун янги шартнома таклиф қилганди.

"Ҳақиқатан ҳам Пётрга 6 та жанг учун янги шартнома беришди. Лекин унинг шартлари, шартнома бандлари бизни қониқтирмади. Жамоа билан келишган ҳолда шартнома имзоламасликка қарор қилдик, — дейилади Пётр Ян жамоаси баёнотида.

Эслатиб ўтамиз, россиялик аралаш яккакураш устаси ўзининг сўнгги жангини 10 март тонгида АҚШнинг Майами шаҳрида ташкил этилган UFC 299 турнирида хитойлик Сонг Ядонгга қарши ўтказиб, очколар ҳисобига кўра ғалаба қозонганди. Яннинг ҳисобида 17 ғалаба ва 5 мағлубият бор. Ядонгга қадар ўтказилган 3 та жангда у мағлубият аламини тотиб кўрган эди.