Қадринг баланд бўлсин, она тилим!

Кенг кўламда ўтказилган мазкур тадбирда Ўзбекистон Республикаси Жисмоний тарбия ва спорт вазирининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси Зокир Расулов, Ўзбекистон давлат жисмоний тарбия ва спорт университетининг ёшлар билан ишлаш бўйича проректори Шерзод Мирзанов, Ўзбек тили ва адабиёти кафедраси профессори Нодир Ғаффоров ҳамда университет жамоаси иштирок этди.

Тадбир давомида университет профессор-ўқитувчилари ўзбек тилига давлат тили мақоми берилиш жараёнлари ҳамда унинг спорт соҳасидаги аҳамияти каби мавзуларда маълумот беришди. Шунингдек, университет талабалари томонидан намойиш этилган бадиий чиқишлар тадбирга ўзгача кайфият бахш этди.