Қамашилик ёш полвонлар "Бош прокурор кубоги" учун беллашди ФОТОГАЛЕРЕЯ

Ўзбекистон Республикаси Президентининг 2020 йил 30-октябрдаги “Соғлом турмуш тарзини ҳаётга кенг татбиқ этиш ва оммавий спортни янада ривожлантириш чора-тадбирлари тўғрисида”ги ПФ-6099 сонли Фармонига мувофиқ ва Ўзбекстон Республикаси Прокуратура органлари ташкил этилганлигининг 30 йиллиги муносабати билан ташкил этилган мусобақа кўтаринки руҳда бўлиб ўтди.

Мусобақанинг очилиш маросимида Қамаши туман прокурори Б.Баҳодиров, вилоят кураш федерацияси спорт директори Б.Боймуродов, туман туризм ва спорт бўлими бошлиғи У.Шарипов, туман кураш федерацияси ижрочи директори Ш.Юсупов, туман 2-БЎСМ директори Ш.Соатов иштирок этдилар.

Мусобақани туман прокурори Б.Баҳодиров тантанали равишда очиб, мураббийлар ҳамда спортчиларга омад тилади. Шундан кейин Ўзбекистон мадҳияси янгради.

Мусобақада ғолиб ва совриндорлар ҳамда турли номинациялар ғолиблари ташкилотчилар томонидан диплом, медаль, кубок ва қимматбаҳо эсталик совғалари билан тақдирландилар.

Турнир якунига кўра, 2-БЎСМ тарбияланувчилари умумжамоа ҳисобида ғолибликни қўлга киритишди ва мусобақа бош соврини “Бош прокурор кубоги”рамзи туширилган кубокка эга чиқишди.

Туман босқичида ғолиб бўлган спортчилар жорий йилнинг 3-4 декабрь кунлари Қарши шаҳрида бўлиб ўтадиган вилоят босқичида иштирок этишади. 

Фахриддин ЧОРИЕВ тайёрлади