Қандай бахт. Паралимпиада қаҳрамонини икки вилоят ҳокимлари қутлади + ФОТО

Хабар берганимиздек, пара енгил атлетика бўйича эркаклар ўртасида F35 классида ядро улоқтириш мусобақасида иштирок этган ҳамюртимиз Ҳусниддин Норбеков 16.82 метр натижа қайд этиб, учинчи бор Паралимпия ўйинлари ғолиби бўлган илк ўзбекистонлик спортчига айланганди.

Шу муносабат билан бугун Навоий вилояти ҳокими Нормат Турсунов чемпионнинг хонадонига ташриф буюриб, Ҳусниддин Норбековнинг онаси ҳамда яқинларини ғалаба билан табриклади.

Аввалроқ, Самарқанд вилояти ҳокими Эркинжон Турдимовнинг совға-саломларини Самарқанд вилоят ҳокими ўринбосари Ҳ.Тўхтаев, вилоят спорт бошқармаси бошлиғи Ш.Рўзиев, паралимпия қўмитаси вилоят бўлими бошлиғи А.Ёрқулов, Пахтачи туман ҳокими ўринбосари А.Қўлдошев ҳамда спорт мураббийларидан иборат жамоатчилик вакиллари етказишган эди.