"Қарор қабул қилиш осон бўлмайди". Аршавин — РФИнинг Осиёга ўтиши ҳақида

Ўтган ҳафтада РФИ президенти Александр Дюков 27 декабрь куни ОФКга эҳтимолий ўтиш бўйича қарор қабул қилинишини маълум қилганди.

"УЕФА ва ОФК четда бизнинг раҳбарларимизга нима деяётганини билиш учун жараённинг ичида бўлишингиз керак. Қарор қабул қилиш осон бўлмайди. Мен ҳозир Александр Валерьевич (Дюков) ўрнида бўлишни хоҳламаган бўлардим. Интервьюдан келиб чиқсак, катта эҳтимол билан улар ўтишга мойил.

Интуитив равишда мен ҳеч қаерга қўзғалмасдим, балки ички футболимиз – Россия мусобақалари, ёшларни ривожлантириш билан шуғулланган бўлардим. Мен халқаро кун тартибига эътибор қаратмаган бўлардим, чунки у футбол соҳасида эмас, балки сиёсат соҳасида ётибди.

Можаро ҳал бўлиши биланоқ қандайдир қарорни қабул қилиш мумкин бўлади", – деди "Зенит" бош директори ўринбосари.