24 апр 07:51
Янгиликлар

Теннис

Қарши “Фьючерс”. Файзиев ва Султонов ғалаба билан бошлади

Қарши шаҳрида теннис бўйича “Фьючерс” туркумига кирувчи турнирнинг асосий тўр баҳслари старт олди.

Соврин жамғармаси 25 000 АҚШ долларини ташкил қилувчи мусобақанинг яккалик баҳсларида ҳамюртларимиздан Жўрабек Каримов, Ҳумоюн Султонов, Санжар Файзиев, Сергей Фомин, Саидаъло Саидкаримов ва Павел Цой ўз имкониятини синовдан ўтказяпти.

Улардан турнирнинг бешинчи ракеткаси ҳисобланган Санжар Файзиев илк даврада ҳиндистонлик Сидхарт Раватни 6:4, 6:4 ҳисобида мағлуб этди. Асосий тўрга имтиёзли йўлланма асосида қўйилган Ҳумоюн Султонов эса аргентиналик Мануэль Пена Лопесдан 6:2, 6:1 ҳисобида устун келди.