10 дек 14:58
Янгиликлар

Кураш

Қарши ОПСТТМ ўқувчилари жаҳон чемпионатида шоҳсупага кўтарилишди

Хабарингиз бор, 2-8 декабрь кунлари Мўғулистоннинг Улан-Батор шаҳрида кураш бўйича ёшлар ва ўсмирлар ўртасида тўққизинчи, фахрийлар ўртасида учинчи жаҳон чемпионати бўлиб ўтди.

Мазкур дунё биринчилигида курашчиларимиз 30 та олтин, 30 та кумуш, 12 та бронза медалини қўлга киритиб, умумжамоа ҳисобида фахрли биринчи ўринни эгаллашди.

Эътиборлиси, Қарши олимпия ва паралимпия спорт турларига тайёрлаш марказининг спортчи-ўқувчилари ҳам ёшлар терма жамоаси таркибида ушбу жаҳон чемпионатида муваффақиятли иштирок этишди.

Хусусан, 83 кг. вазн тоифасида Ғиёс Холиқов барча рақибларини мағлубиятга учратиб, олтин медаль соҳибига айланди. 70 кг вазнда иштирок этган Замира Равшанова эса иккинчи ўринни банд этди.