03 июл 09:18
Янгиликлар

Болалар спорти

Қашқадарёда «Ёшлар кубоги» мусобақалари кенг миқёсда ташкил этилди

Ёшлар куни муносабати билан Жисмоний тарбия ва спорт вазирининг тегишли буйруғи асосида мамлакатимизнинг «яшил» ҳудудларида ёшлар ўртасида спорт тадбирлари ўтказилмоқда.

Жумладан, Қашқадарё вилоятининг Яккабоғ, Ғузор, Косон, Нишон туманлари ва Шаҳрисабз шаҳрида стол тенниси, мини футбол, волейбол, бадминтон спорт турлари бўйича ёшлар ўртасида оммавий спорт мусобақалари ташкил этилди.

Мусобақалардан олдин карантин талабларига мувофиқ, спорт иншоотлари тўлиқ дезинфекция қилиниб, гигиеник воситалар билан таъминланди.

Вилоят бўйича мингдан ортиқ ёшларни қамраб олган «Ёшлар кубоги» мусобақалари якунида ғолиб ва совриндорлар ташкилотчилар томонидан диплом, медаль ва қимматбаҳо совғалар билан тақдирланди.