Qazaqstan Barysy Grand Slam турнирининг илк куни етти нафар дзюдочимизга мухлислик қиламиз

Мукофот жамғармаси 154 000 еврони ташкил этувчи нуфузли турнирда дунёнинг 44 давлатидан жами 358 (202 эркак, 156) нафар дзюдочи медаллар ҳамда жаҳон рейтинги учун бериладиган қимматли очколар учун баҳсларга киришишади. 

Бугун Qazaqstan Barysy Grand Slam турнирининг илк куни енгил вазн тоифасида беллашувлар ташкил этилади. Эркаклар ўртасида -60, -66 кг, аёлларда эса -48, -52 ва -57 кг вазнларда ғолиб ҳамда совриндорлар аниқланади. Бугун 7 нафар дзюдочимизга мухлислик қиламиз. Саралаш баҳслари соат 10:00да бошланади.  

Дзюдочиларимизнинг илк даврадаги беллашувлари:

-48 кг: Фотимахон Турсунбоева — Лейли Гелдиева (Туркманистон) 

-48 кг: Улбусин Ҳакимова — Чиу Чиҳ-Жоу (Хитой Тайпейи)

-52 кг: Умида Жуманиёзова — Кундиз Жилкибай (Қозоғистон)

-60 кг: Миродил Муродиллаев — Икром Шамсов (Тожикистон)

-60 кг: Достон Рўзиев — Вей Линг Юн (Хитой)

-66 кг: Муҳриддин Тиловов — Вадим Чернов (Украина)/ Валерио Аккольи (Италия)

-66 кг: Дилшод Баратов — Ким Чен Ёнг (Корея Республикаси)