Қибрай крикет бўйича Ўзбекистон очиқ чемпионатига мезбонлик қиляпти + ФОТО

Ўсмирлар, ёшлар ва катталардан иборат жамоалар ўртасида ўтказилаётган турли мусобақалар эса крикет спорт турини аҳоли орасида оммавийлигини таъминлашга хизмат қилмоқда. 

Хусусан, куни кеча пойтахт вилоятининг Қибрай туманидаги "Anfa" халқаро крикет стадионида крикет федерацияси томонидан T20 форматдаги биринчи мавсум Ўзбекистон очиқ чемпионати бошланди. 

Ушбу мусобақада Тошкентнинг "Анфа", "Indian Cricet Tashkent Club", "Tashkent super kings", "Tashkent stars", Қашқадарё вилоятининг "Barlos"ҳамда Фарғонанинг "Fergana Rangers"дан иборат олтита жамоаси ўзаро беллашмоқда. 

Чемпионатнинг тантанали очилиш маросимида Ўзбекистон крикет федерацияси раиси Азиз Михлиев иштирок этиб, жамоаларни биринчи мавсум бошланиши билан қутлади ва уларга юқори ўринларни эгаллашларида омад тилади. 

Таъкидлаш лозим, ушбу очиқ чемпионат миллий терма жамоага саралаш вазифасини ҳам ўтаб беради. Чемпионат 25 июнга қадар давом этади. 

Илҳом РАҲМОНОВ тайёрлади