Қиличбозлик. Осиё чемпионати. Шпагачиларимиз жамоавий баҳсларда қатнашишди

Олег Соколов, Нодирбек Усмонов, Роман Александров ва Жавоҳирбек Нурматовлардан ташкил топган қиличбозларимиз илк босқичда Қирғизистон терма жамоаси вакилларини 45:39 ҳисобида мағлубиятга учратдилар.

1/4 финалда эса турнирнинг энг кучли терма жамоасига қарши баҳс юритган шпагачиларимиз Жанубий Корея терма жамоасига 33:45 ҳисобида ютқазиб қўйишди.

Чорак финалда мағлуб бўлган жамоалар ўртасида 5-8 ўрин учун жанглар ташкил қилинди. Спортчиларимиз илк жангда қозоғистонлик рақибларига 33:45 ҳисобида имкониятни бой бердилар.

7-ўрин учун бўлиб ўтган жангларда эса Хитой Тайпейи шпагачилари 45:32 ҳисобида мағлуб этилди.

Шу тариқа, шпагачиларимиз Гонконгдаги Осиё чемпионатида 7-ўринни эгалладилар.