12 янв 22:23
Янгиликлар

Қиличбозлик

Қиличбозлик. Паола Плиего ва Яна Обвинцева Монреаль Гран-Присида қатнашди

Канаданинг Монреаль шаҳрида қиличбозликнинг сабля йўналиши бўйича аёллар ўртасида нуфузли Гран-При турнири бўлиб ўтди.

Мусобақада Ўзбекистон шарафини Паола Плиего ҳамда Яна Обвинцева ҳимоя қилди.

Қизларимиз пулька баҳсларини муваффақиятли ўтказишди ва асосий даврага йўл олишди. Паола Плиего асосий босқични иккинчи даврада франциялик Сара Бальзерга қарши бошлади. Афсуски, ушбу жангда Паола 13:15 ҳисобида ютқазди ва мусобақадаги иштирокини якунлади.

Яна Обвинцева ҳам баҳсларни иккинчи даврадан бошлади. Ушбу босқичда вакиламиз британиялик Кейтлин Максвеллга қарши йўлакчага чиқди ва 10:15 ҳисобида ютқазди.