08 авг 09:18
Янгиликлар

Бокс/ММА

Қирғизистонлик жангчи UFC 265 турнирида ғалабага эришди ФОТОГАЛЕРЕЯ

Айни дақиқаларда АҚШнинг Хьюстон шаҳрида жойлашган "Тойота-Центр" стадионида навбатдаги UFC турнири бўлиб ўтмоқда.

UFC 265 турнирининг прелиум кардидан ўрин олган қизиқарли жангларнинг бирида қирғизистонлик Рафаэль Физиев америкалик Бобби Гринга қарши октагонга кўтарилди. Уч раундга мўлжалланган жанг тўлиқ давом этди ва унда Физиев ҳакамларнинг бир овоздан берган баҳосига кўра очколар ҳисобида ғалаба қозонди.

Бу Физиев учун UFC промоушенида қўлга киритилган кетма-кет тўртинчи ғалаба бўлди. Бироздан сўнг оқшомнинг марказий жангида франциялик 31 ёшли Сириль Ган америкалик 36 ёшли Деррик Льюисга қарши октагонга чиқади. Ушбу жанг ғолиби оғир вазн тоифасида вақтинчалик чемпионга айланади.