Қирғизистонлик курашчи лицензион турнирда қозоғистонлик рақибига шапалоқ туширди + ВИДЕО

Мусобақа доирасида ташкил этилган юнон-рум кураши беллашувларининг бирида қизиқ ҳолат юз берди.

Турнирда 130 кг вазн тоифасидаги баҳсларда иштирок этган Қирғиз Республикаси терма жамоаси аъзоси Роман Ким 1/2 финал босқичида, Олимпиада лицензияси учун курашда қозоғистонлик Алимхон Сиздиқовга қарши гиламга чиқди.

Қозоғистонлик спортчи беллашувни фаол бошлади ва 10-сониядаёқ рақибини гиламдан чиқариб юбориб, 1 баллни қўлга киритди. Сиздиқов фаол курашни давом эттирди ва бунинг учун Роман Кимнинг қўлидан тарсаки қабул қилиб олди. Ҳакамлар мезбон курашни огоҳлантириш билан жазолашди ва Сиздиқовга 2 балл беришди.

Якунда баҳс қозоғистонлик курашчининг фойдасига ҳал бўлди ва у Париж-2024 лицензиантига айланди. Ким эса Туркиядаги жаҳон лицензион турнирида Топ-3`ликка кирса, Парижга бориши мумкин.