06 авг 14:38
Янгиликлар
Бокс/ММА
Қирғизистонлик UFC жангчиси яна 4 та жангга шартнома имзолади + ФОТО
Қирғизистонлик аралаш қоидалар устаси Рафаэль Физиев UFC промоушени билан яна 4 та жангга мўлжалланган шартномага имзо чекди.
Бу ҳақида унинг ўзи Твиттер саҳифаси орқали хабар берди. Физиев UFCда енгил вазн тоифасида ўз жангларини ўтказиб келади.
"Яна 4 та жанг учун шартнома имзолаганимни мамнуният билан билдирмоқчиман. Ишонч билдираётган UFC раҳбарияти ҳамда менежерларим Даниэль Рубинштейн ва Саят Абдрахмановга миннатдорлик изҳор қиламан", — дея сурат ҳамда унинг остида хабар қолдирган Физиев.
Маълумот учун, 27 ёшли Рафаэль Физиев 2015 йилдан бери ММА оламида, 2019 йилда эса у UFC промоушенига ўтган эди. Физиев ўзининг сўнгги жангини 18 июль куни "Жанглар ороли"да Марк Диакьезега қарши ўтказган эди. Айнан мана шу жанг оқшомнинг энг яхши жанги сифатида тан олинганди.
Ҳавола :
Фикрлар