06 апр 09:35
Янгиликлар
Бокс/ММА
“Қирол Кубоги”. Ҳасанбой Дўсматов ғалаба билан бошлади ва бошқа натижалар
Таиланд пойтахти Бангкок шаҳрида бокс бўйича нуфузли “Қирол Кубоги” мусобақаси давом этмоқда.
Дунёнинг 18 давлатидан чарм қўлқоп усталари қатнашаётган халқаро турнирда Ўзбекистон терма жамоаси боксчилари ҳам кучли таркиб билан иштирок этишяпти.
Мусобақанинг биринчи куни ҳамюртларимиздан Жасурбек Латипов, Шаҳрам Ғиёсов ва Исроил Мадримов рақибларини мағлубиятга учратишган эди. Кеча эса 4 нафар боксчимиз рингга кўтарилишди.
Рио Олимпиадаси чемпиони Ҳасанбой Дўсматов филиппинлик Паалам Сарлони 3:0 ҳисобида енгди. Яна бир Олимпиада чемпиони Шаҳобиддин Зоиров эса Хитой Тайпейи вакили Као Шин Ёндан худди шу ҳисобда устун келди.
Рио-2016 Олимпиадаси совриндори Муроджон Аҳмадалиев филиппинлик Жеймс Палистега ҳеч қандай имконият қолдирмади - 3:0. Элнур Абдураимов туркманистонлик Зуфар Сапарбаевни 3:0 ҳисобида енгди.
Ҳавола :
Манба : olamsport.com
Фикрлар