16 июл 10:58
Янгиликлар

Қишки спорт турлари

Қишки Олимпия ўйинлари-2026 медаллари тақдим этилди + ФОТО

Теглар : Қишки Олимпия ўйинлари-2026

Қишки Олимпия ва Паралимпия ўйинлари ташкилий қўмитаси 2026 йилда Милан ва Кортина-д`Ампеццо шаҳарларида бўлиб ўтадиган мусобақаларда спортчиларга топшириладиган медалларни тақдим этди.

Тақдимот кеча Италиянинг сувли Венеция шаҳрида бўлиб ўтди.

Медалларнинг ҳар бири Олимпия ҳалқалари билан боғланган икки қисмга бўлинган. Бу олимпиячи спортчилар ва уларга ёрдам берувчиларнинг йўли рамзидир. Шунингдек, ғояга кўра, дизайнда нафислик ва экологик тозалик уйғунлаштирилган.

Медаллар фақат қайта тикланувчи энергия манбаларида ишлайдиган индукцион печларда қуйилади. Медалларни ишлаб чиқариш билан Италия давлат танга ва полиграфия институти (IPZS) шуғулланади.

Қишки Олимпиаданинг ўзи 2026 йилнинг 6-22 февраль кунлари, Қишки Паралимпиада эса 6-16 март кунлари бўлиб ўтади.

Маълумот учун, фигурали учиш бўйича Ўзбекистон терма жамоаси аъзолари Дмитрий Чигирёв ва Екатерина Гейниш тандеми Милан-Кортина-2026 қишки Олимпия ўйинлари лицензиатлари ҳисобланади. Улар айни пайтда бўлажак Олимпиадага Москва шаҳрида тайёргарлик кўришяпти.