08 фев 09:44
Янгиликлар
Қишки спорт турлари, Харбин-2025
Қишки Осиё ўйинлари. Бугунги кун Даниил Ейбог учун бироз омадсиз бошланди
Харбинда (Хитой) IX қишки Осиё ўйинларининг олтинчи кунги беллашувлари бошланди.
Кун давомида шорт-трекчи Даниил Ейбог ҳамда аёл тоғ чанғичиларимиз баҳсларда иштирок этиши ҳақида хабар берган эдик.
Бироз олдин Ейбог 1500 м масофага кечган ярим финал босқичида иштирок этди. Бироқ у мазкур масофада етти спортчи орасида сўнгги натижани (3:06.877) қайд этиб, финалга йўл ола билмади.
500 метрга кечган чорак финал беллашувида эса 27 ёшли Даниил 41.350 сония натижа қайд этиб, учинчи бўлди. Ҳакамлар қарорига кўра, Даниил 500 м дастурида ярим финалда иштирок этадиган бўлди.
Унинг кейинги чиқиши бироздан сўнг бўлиб ўтади.
Ҳавола :
Манба : olamsport.com
Фикрлар