Қизлар ўртасида Хоразм вилояти дзюдочилари биринчи!

Уч кун давом этган беллашувлар якунига кўра ўсмирлар ўртасида Самарқанд вилояти терма жамоаси умумжамоа ҳисобида биринчи ўринни эгаллаган эди. Қизлар ўртасидаги баҳслар якунида Хоразм вилояти дзюдочилари пешқадам эканликларини амалда исботлашди. 

Хоразм вилояти терма жамоаси 3 та олтин, 1 та кумуш, 2 та бронза медалига сазовор бўлди. Хоразм вилояти ўсмирлар ва қизларнинг медалларини қўшиб ҳисоблаганда Ўзбекистон чемпионатини умумжамоа ҳисобида биринчи ўринда якунлашди.    

Иккитадан олтин ва бронза медалини қўлга киритган Наманган вилояти дзюдочилари иккинчи, 1та олтин, 2 та кумуш, 3 та бронза медалига эга чиққан Бухоро вилояти дзюдочи-қизлари учинчи ўринни банд этишди. Кейинги ўринларни эгаллаган Қашқадарё, Жиззах, Навоий вилоятлари ҳамда Тошкент шаҳри жамоалари таркибида бир нафардан Ўзбекистон чемпиони бўлди.