02 июн 20:07
Янгиликлар
Эшкак эшиш
Қизларимиз жаҳон Кубоги босқичида совриндор бўлишди
Германиянинг Дуйсбург шаҳрида байдарка ва каноэда эшкак эшиш бўйича жаҳон кубогининг иккинчи босқичи ўтказилаётгани ҳақида хабар берган эдик.
Дунёнинг 62 давлатидан энг кучли спортчилар ташриф буюрган ушбу нуфузли мусобақада 16 нафар эшкак эшувчиларимиз юртимиз шарафини ҳимоя қилаётганлигидан ҳам хабарингиз бор.
Бугун, 2июнь куни С-2 қайиғида жуфтликда 200 метрлик масофага эшкак эшган Дилноза Раҳматова ҳамда Нилуфар Зокирова тандеми кумуш медални қўлга киритишди. Белгиланган масофани 42.137 секундда босиб ўтган қизларимиз бу борада фақат хитойлик (42.014) рақибларидан бир неча миллисекундга ортда қолишди.
Артур Гулеев ва Элёржон Мамадалиев жуфтлиги С-2 қайиғида 200 метр масофани 36.534 секундда босиб ўтиб, маррага тўртинчи бўлиб етиб келишди.
Ҳавола :
Манба : championat.asia
Фикрлар