27 май 15:27
Янгиликлар

Бокс/ММА, Кикбоксинг, Муайтай

Қўл жанги. Спортчиларимизнинг Европа Очиқ чемпионатидаги муваффақияти+ФОТО

Беларусь пойтахти Минск шаҳрида қўл жанги бўйича Европа Очиқ чемпионати ўтказилмоқда.

Ўзбекистон қўл жанги федерацияси матбуот хизматининг хабар беришича, ушбу мусобақада ўзбекистонлик спортчилар ҳам муваффақиятли тарзда иштирок этишяпти.

Жумладан, 60 кг вазн тоифасидаги ҳамюртимиз Шаҳбоз Турсунов, 65 кг вазндаги вакилимиз Олимжон Нормуродов барча рақибларини мағлубиятга учратиб, шоҳсупанинг энг юқори поғонасидан жой олишди.

Финалга қадар мағлубиятсиз етиб келган 45 кг вазндаги Зарина Олимжонова, 75 кгдан оғир вазнда Мадина Эргашева, 75 килода Жаҳонгир Жумаевлар кумуш медал соҳиби бўлишди.

Отабек Бобобеков (55 кг), Муҳиддин Мамажонов (70 кг), Гулжаҳон Норматова (50 кг), Мафтуна Қувондиқова (55 кг), Шаҳноза Низомова (70 кг) ҳамда Робия Қўчқорова (75 кг) бронза медали билан тақдирланишди.