Қўл жанги. Тошкентда Осиё Очиқ чемпионати бошланди

Мусобақада 20га яқин давлатдан сара қўл жанги усталари совринли ўринлар учун баҳсларга киришишди. Осиё Очиқ чемпионати мезбони сифатида қўл жанги бўйича Ўзбекистон терма жамоаси икки таркиб билан қатнашяпти.

Юртимиз спорт шарафини Рамазон Темиров, Ҳусниддин Сатторов, Шаҳбоз Турсунов, Ғиёсиддин Жамолиддинов, Олим Нормуродов, Равшан Абдулазизов, Муҳиддин Мамажонов, Нозим Эминжонов, Жаҳонгир Жумаев, Алпомиш Қурбонназаров, Ҳасан Бозоров, Муртазобек Мамашокиров, Жамшид Раҳмоналиев, Элбек Эшмуродов, Ботир Хўжабеков, Салоҳиддин Иброҳимов, Илёс Раимов, Баҳром Маҳмудов каби спортчилар ҳимоя қилади.

Бугун соат 18:00да Осиё Очиқ чемпионатининг тантанали очилиш маросими бўлиб ўтади. Маросимдан сўнг қўл жанги бўйича профессионал жанглар ҳам ташкил этилади.