Қўл тўпи. Беллашувлар давом этмоқда

Ўзбекистон Республикаси Президентининг 2017 йил 3 июндаги “Жисмоний тарбия ва оммавий спортни янада ривожлантириш чора-тадбирлари тўғрисида”ги ПҚ-3031 сонли Қорори билан тасдиқланган дастурнинг 50 ва 52-бандлари ижросини таъминлаш мақсадида Ўзбекистон Республикаси жисмоний тарбия ва спорт вазирлиги, Ўзбекистон Ёшлар Иттифоқи, Ўзбекистон Республикаси олий ва ўрта махсус таълими вазирлиги, Ўрта махсус, касб-ҳунар таълими маркази, Ўзбекистон “Баркамол авлод” жисмоний тарбия ва спорт жамияти Марказий кенгаши билан ҳамкорликда ташкил этилган, ўрта махсус, касб-ҳунар таълим муассасаларида таҳсил олаётган ўқувчилар ўртасидаги мазкур қўл тўпи спорт тури бўйича IV босқичли “Баркамол авлод спорт жамоалари” мусобақаларининг финал беллашувларига 4 апрель куни старт берилган бўлиб, ушбу финал босқичида Қорақалпоғистон республикаси, Тошкент шаҳри ва барча вилоятлардан жамоалар ғолиблик учун ўзаро куч синашишмоқда. 

Айни пайтда Тошкент шаҳри, Андижон, Хоразм, Қашқадарё каби вилоятлар жамоалари етакчилик қилишмоқда. Ғолиб ва совриндорлар номи 6 апрель куни маълум бўлади.  

Ҳусниддин НУРМАТОВ, Ўзбекистон “Баркамол авлод” жисмоний тарбия ва спорт жамияти Андижон вилоят минтақавий бўлими раиси ўринбосари:

- Мусобақалар айни қизғин паллада. Жамоаларнинг ғолиблик сари интилиш юқорилиги боис, ҳар бир беллашув шиддатли тус олмоқда. Айниқса, Тошкент шаҳри, Қашқадарё, Наманган, Андижон, Хоразм  жамоаларининг қўли баланд келмоқда. Мусобақлар давомида иқтидорли спортчи-ўқувчилар ҳам сараланмоқдаки, улар келажакда миллий терма жамоаларимизга заҳирадаги спортчи сифатида кириши мумкин. Бош мақсадларимиздан бири ҳам миллий терма жамоаларга муносиб номзодларни етказиб беришдан иборат.

Илҳом Раҳмонов тайёрлади, ўз мухбиримиз