22 май 15:13
Янгиликлар

Гандбол

Қўл тўпи усталаримиз Марказий Осиё очиқ чемпионати ғолиби + ФОТО

15-21 май кунлари Тошкент шаҳрида гандбол бўйича эркаклар ва аёллар жамоалари ўртасида Марказий Осиё очиқ чемпионати ўтказилди.

Республика олимпия ва паралимпия спорт турларига тайёрлаш маркази базасида ташкил этилган ушбу нуфузли халқаро мусобақада Ўзбекистон, Озарбайжон, Ҳиндистон, Қирғизистон, Тожикистон ва Қозоғистон давлатларидан жамоалар қатнашди.

Жумладан, аёллар биринчилигида 9, эркаклар биринчилигида 10 та жамоа ғолиблик йўлида баҳс олиб борди. Муросасиз кечган мусобақа якунига кўра, ўзбекистонлик гандболчилар ғолиблик шоҳсупасига кўтарилишди.

Ғолиб ва совриндорлар:

Эркаклар

1. ОКМК (Тошкент вилояти)

2. Қўқон университети (Фарғона вилояти)

3. Тошкент шаҳри

Аёллар

1. Ўзбекистон терма жамоаси

2. ОКМК (Тошкент вилояти)

3. Астана шаҳри (Қозоғистон).